Бесплатна онлајн работилница

ЧУВСТВО НА ВИНА КАЈ РОДИТЕЛИ

Датум: 15.04.2024

Време: 18 часот

Траење: 90 мин

Водител: Павлина Михајловска – психолог/психотерапевт

Оваа работилница е наменета за сите заинтересирани за доживувањето на вина во родителски контекст. Ќе имаме можност да разговарме за различните аспекти и манифестации на ова чувство, вклучувајќи ги причините зад него, неговите функции во релациски контекст, начините на менаџирање и справување со ова чувство, како и начините на враќање на квалитетот на релација во контакт со децата .

Работилницата ќе се одржи преку Zoom платформата и за следење на истата потребно е да обезбедите инсталирана Zoom апликација на вашиот компјутер или мобилен уред пред да се приклучите на работилницата.

За дополнителни информации или било какви прашања во врска со работилницата, ве молиме контактирајте не на: esencija.mk@gmail.com

Денови на психологија 2024 - Бесплатна работилница

ПАТУВАЊЕ КОН СЕБЕ

Датум: 06.12. 2024

Време: 17.30 часот

Траење: 2 часа

Водители:

Павлина Михајловска – психолог/психотерапевт

Марија Стојкоска Василевска – психолог/психотерапевт

Во рамки на акцијата „Денови на психологија 2024“ тимот на Есенција организира бесплатна работилница „Патување кон себе“,  на тема  – контакт со себе. Работилницата ќе се одвива во мала група од 8 члена каде учесниците ќе може да се запознаат со  конкретни техники на контакт со себе, да искусат психотераписка работа во група, да добијат увид во своите индивидуални процеси, под водство на искусни терапевти.  Темата – контакт со себе иако базична и воведна при работа на себе е секогаш актуелна тема, на која одново можеме да се враќаме и да откриваме нешто ново за себе. Контактот со себе  е основа на патот на себезапознавање. Брзиот живот налага постојано наочување и фокус кон надворешните дразби, контактот со себе често го запоставуваме се додека телото не не повика преку симптоми како болки во различни делови, панични напади и слично.

Бидејќи е предвидено работилницата да биде во мала група од максимум 8 члена, неопходно е пријавување на маил: esencija.mk@gmail.com, по што ќе ги добиете понатамошните детали.

X